વડોદરા શહેરના નવલખી ગ્રાઉન્ડ ખાતે મુખ્યમંત્રી ના વરદ હસ્તે 24.29 કરોડ ના વિકાસના કામોનું લોકાર્પણ કરવામાં આવ્યું

મુખ્યમંત્રીશ્રી ભૂપેન્દ્ર પટેલે રાજ્યના મહિલા અને બાળ વિકાસ વિભાગ દ્વારા આઝાદી કા અમૃત મહોત્સવ નિમિત્તે વડોદરા ખાતે યોજાયેલ કાર્યક્રમમાં મધ્ય ગુજરાત ઝોનના સાત જિલ્લાઓ અને વડોદરા મહાનગરપાલિકા વિસ્તારની 1416 આંગણવાડી કાર્યકર-તેડાગર બહેનોને નિયુક્તિપત્રો એનાયત કર્યા હતા. આ અવસરે મુખ્યમંત્રીશ્રીએ વડોદરા શહેર જિલ્લામાં ₹4.55 કરોડના ખર્ચે નિર્માણ થયેલ 61 આંગણવાડી કેન્દ્રોનું લોકાર્પણ-ખાતમુહૂર્ત તેમજ વડોદરા મહાનગરપાલિકાના જનસુખાકારીના ₹24 કરોડના વિવિધ પ્રોજેક્ટનું ડિજિટલી લોકાર્પણ-ખાતમુહૂર્ત કર્યું હતું. મુખ્યમંત્રીશ્રીએ સગર્ભા માતાઓને પોષણકીટ, વ્હાલી દીકરી યોજનાના મંજૂરી પત્રો, ગંગા સ્વરૂપા બહેનોને આર્થિક સહાય, મહિલા ઉદ્યમીઓનું સન્માન, સ્વ-સહાય જૂથોને લોન વિતરણ, મહિલા સ્વાવલંબન યોજનાના લાભોનું વિતરણ તથા દિવ્યાંગ સાધન સહાયનું વિતરણ પણ કર્યું હતું.મુખ્યમંત્રીશ્રી ભૂપેન્દ્ર પટેલે રાજ્યના મહિલા અને બાળ વિકાસ વિભાગ દ્વારા આઝાદી કા અમૃત મહોત્સવ નિમિત્તે વડોદરા ખાતે યોજાયેલ કાર્યક્રમમાં મધ્ય ગુજરાત ઝોનના સાત જિલ્લાઓ અને વડોદરા મહાનગરપાલિકા વિસ્તારની 1416 આંગણવાડી કાર્યકર-તેડાગર બહેનોને નિયુક્તિપત્રો એનાયત કર્યા હતા.