શેરબજારમાં સતત ચોથા દિવસે ઘટાડો રોકાણકારોને 3.54 લાખ કરોડથી વધુ રૂપિયા સ્વાહા

Shantishram News l શાંતિશ્રમ ન્યૂઝ l

ભારતીય શેરબજાર માટે બુધવારનો દિવસ નિરાશાજનક રહ્યો.

શેરબજાર સતત ચોથા કારોબારી દિવસે ઘટડા સાથે બંધ રહ્યું. આજે સેન્સેક્સમાં 900થી વધુ પોઇન્ટનો ઘટાડો થયો અને રોકાણકારોને 3.54 લાખ કરોડથી વધુ રૂપિયા સ્વાહા થઈ ગયા.

બુધવારે ભારતીય શેરબજારનો સૂચકાંક સેન્સેક્સ 927 પોઇન્ટના કડાકા સાથે 59,744.98 પર બંધ રહ્યો, જ્યારે નિફ્ટી 289.58ના ઘટાડા સાથે 18,455 પર બંધ રહી.

નબળા વૈશ્વિક સંકેતોને કારણે આજે એટલે કે બુધવારે શેરબજારમાં ઘટાડો જોવા મળી રહ્યો છે.

સેન્સેક્સના 30 શેરોમાંથી 28માં ઘટાડો નોંધાયો હતો.

નિફ્ટી પર અદાણી એન્ટરપ્રાઈઝ ટોપ લુઝર્સમાં હતું. તે 7% થી વધુ તૂટી ગયું છે.

અદાણી ગ્રુપના તમામ 10 શેરો ડાઉન છે.

અદાણી પાવર, ટ્રાન્સમિશન, ગ્રીન એનર્જી, ટોટલ ગેસ અને વિલ્મર 5-5% ડાઉન છે. NDTV પણ 4% નીચે છે.

બીજી તરફ, ગ્રૂપનો સિમેન્ટ સ્ટોક ACC 1.5% અને અંબુજા સિમેન્ટ 2% ઘટ્યો હતો. અદાણી પોર્ટ્સનો સ્ટોક પણ લગભગ 2% નીચે ટ્રેડ થઈ રહ્યો છે.

એટલું જ નહીં, ફોર્બ્સની રિયલ ટાઈમ બિલિયોનેર્સની યાદી અનુસાર, ગૌતમ અદાણીની કુલ સંપત્તિ માત્ર $46.7 બિલિયન છે. છેલ્લા 24 કલાકમાં અદાણીને $2.9 બિલિયનનું નુકસાન થયું છે.