ડોમિનોઝ ફૂડ ડિલિવરી એપ Zomato અને Swiggy જો તેઓ તેમનું કમિશન વધારશે તો તેમાંથી બહાર નીકળી શકે છે. ડોમિનોઝ પિઝાનું સંચાલન કરતી જુબિલન્ટ ફૂડવર્કસે કોમ્પિટિશન કમિશન ઓફ ઈન્ડિયા (CCI)ને સબમિટ કરેલા દસ્તાવેજમાં આ માહિતી આપી છે. Zomato અને Swiggy ની સ્પર્ધા વિરોધી પ્રથાઓ તપાસ હેઠળ છે.
એપ્રિલમાં, CCIએ એક રેસ્ટોરન્ટની ફરિયાદ પર Zomato અને Swiggyની તપાસનો આદેશ આપ્યો હતો. આ ફરિયાદમાં પ્રેફરન્શિયલ ટ્રીટમેન્ટ, હાઈ કમિશન અને અન્ય અનેક આરોપો લગાવવામાં આવ્યા હતા. જુબિલન્ટ ભારતમાં 1,600થી વધુ બ્રાન્ડેડ રેસ્ટોરન્ટ ધરાવે છે. તેમાંથી 1,567 ડોમિનોઝ અને 28 ડંકિનના છે.
27% વ્યવસાય ઓનલાઇન
જુબિલન્ટે CCIને આપેલા જવાબમાં જણાવ્યું હતું કે, ભારતમાં તેનો 26 થી 27 ટકા બિઝનેસ ઓનલાઈન એપ્સથી આવે છે. જેમાં તેનો પોતાનો મોબાઈલ અને વેબસાઈટ પણ સામેલ છે.
તેલ અને ટેલિકોમના આધારે રિલાયન્સને 46% વધુ ફાયદો થયો છે
રિલાયન્સ ઈન્ડસ્ટ્રીઝે જૂન ક્વાર્ટરમાં ઓઈલ અને ટેલિકોમના સારા પ્રદર્શનને કારણે રૂ. 17,955 કરોડનો નફો નોંધાવ્યો હતો. જે એક વર્ષ અગાઉના સમાન ગાળામાં 12,273 કરોડની સરખામણીએ 46.29 ટકાનો વધારો દર્શાવે છે. કંપનીએ શુક્રવારે જણાવ્યું હતું કે, આ સમયગાળા દરમિયાન તેની આવક 54.54 ટકા વધીને રૂ. 2.23 લાખ કરોડ થઈ છે. એક વર્ષ પહેલા તે 1.44 લાખ કરોડ હતો. કંપનીએ જણાવ્યું હતું કે, તેની ઓઇલ-ટુ-કેમિકલ્સ બિઝનેસમાં અત્યાર સુધીની સૌથી વધુ ત્રિમાસિક આવક છે.
જિયોનો નફો 24% વધ્યો
Jioનો નફો 24 ટકા વધીને રૂ. 4,335 કરોડ થયો છે, જે એક વર્ષ અગાઉના સમાન ગાળામાં રૂ. 3,501 કરોડ હતો. તેની આવક એક વર્ષ અગાઉ રૂ. 17,994 કરોડની સરખામણીએ 21.6 ટકા વધીને રૂ. 21,873 કરોડ થઈ છે.
રિલાયન્સ રિટેલ પણ 51.9% વધ્યો
રિલાયન્સ ઇન્ડસ્ટ્રીઝના રિટેલ બિઝનેસ આર્મ માટે પણ ક્વાર્ટર સારું હતું. તેની કમાણી 51.9 ટકા વધીને 58,554 કરોડ થઈ છે.
