PV Sindhu, Singapore Open 2022: સિંગાપોર ઓપન 2022માં ભારતની બેડમિન્ટન સ્ટાર પીવી સિંધુએ ટાઈટલ જીતી લીધું છે. બે વખતની ઓલિમ્પિક મેડલ વિજેતા પીવી સિંધુએ ફાઇનલમાં ચીનની વાંગ જી યીને 21-9, 11-21, 21-15થી હરાવી હતી.
અગાઉ, વિશ્વની નંબર-7 બેડમિન્ટન સ્ટાર પીવી સિંધુએ સેમિફાઇનલમાં જાપાનની બિનક્રમાંકિત સાઇના કાવાકામીને સીધી ગેમમાં હરાવી હતી. સિંધુએ 21-15, 21-7ના અંતરથી સેમિફાઇનલ જીતી લીધી હતી.
સિંધુ અને વાંગ વચ્ચે રોમાંચક મેચ
સિંધુ માટે વિશ્વમાં નંબર 11 ક્રમાંકિત વાંગ જી યીને હરાવવી સરળ નહોતી. ત્રણ ગેમ સુધી ચાલેલી મેચમાં સિંધુએ જીત સાથે શરૂઆત કરી હતી. તેણે પ્રથમ ગેમમાં ચીનના ખેલાડી વાંગને 21-9થી હરાવી હતી. ત્યારબાદ વાંગે પુનરાગમન કર્યું અને બીજી ગેમ 21-11થી જીતીને મેચ બરાબરી કરી લીધી.
સ્વિસ ઓપન પછી બીજી ટુર્નામેન્ટ જીતી
અહીંથી ત્રીજી ગેમ શરૂ થઈ જે ઘણી રોમાંચક રહી. શરૂઆતના 8-10 પોઈન્ટ સુધી બંને ખેલાડીઓ વચ્ચે બરાબરીનો જંગ રહ્યો હતો. પરંતુ પીવી સિંધુએ ધીમે-ધીમે મેચમાં પકડ જમાવી લીધી અને ત્રીજી ગેમ 21-15ના માર્જિનથી જીતીને ટાઈટલ જીતી લીધું.
પીવી સિંધુ સતત શાનદાર ફોર્મમાં જોવા મળી રહી છે. તેણે આ વર્ષે માર્ચમાં યોજાયેલી સ્વિસ ઓપન બાદ પ્રથમ વખત કોઈ ટુર્નામેન્ટની ફાઇનલમાં જગ્યા બનાવી છે. સિંધુએ સ્વિસ ટાઈટલ પર કબજો કર્યો હતો. તેણે સ્વિસ ઓપન સુપર 300 બેડમિન્ટન ટૂર્નામેન્ટની ફાઇનલમાં થાઇલેન્ડની બુસાનન ઓંગબામરુંગફાનને 21-16, 21-8થી હરાવી હતી. હવે તેણે સિંગાપોર ઓપન પણ જીતી લીધી છે.
બે વખતની ઓલમ્પિક મેડલિસ્ટ અને વિશ્વ રેન્કિંગમાં સાતમાં નંબરની ખેલાડી પીવી સિંધુ લગભગ બે મહિના પછી પહેલી વખત ફાઇનલમાં પંહોચી હતી. અને જીતી પણ હતી. એમને થાઈલેન્ડ ઓપનમાં સેમિફાઇનલ સુધી પંહોચીને હારનો સામનો કરવો પડ્યો હતો. હાલના ટુર્નામેંટમાં સિંધુ એકલી ભારતીય ખેલાડી બચી છે. જે ફાઇનલ્સમાં પંહોચી હતી.
PV સિંધુ સતત શાનદાર ફોર્મમાં નજરે પડી રહી છે. તેણે આ વર્ષે માર્ચમાં થયેલી સ્વિસ ઓપન બાદ પહેલી વાર કોઈ ટૂર્નામેન્ટની ફાઈનલમાં જગ્યા બનાવી હતી. સિંધુએ સ્વિસ ખિતાબ પર કબ્જો જમાવ્યો હતો. તેણે સ્વિસ ઓપન સુપર 300 બેડમિંટન ટૂર્નામેન્ટમાં ફાઈનલમાં થાઈલેન્ડની બુસાનન ઓંગબામરુંગફાનને 21-16, 21-8 હરાવી હતી. હવે તેણે સિંગાપુર ઓપન પણ જીતી લીધું છે.
