Shantishram
બ્રેકીંગ ન્યૂઝ
બિઝનેસ

ક્રિપ્ટોમાં રોકાણ કરનારાઓને વધુ એક ઝટકો, હવે આ ક્રિપ્ટો એક્સચેન્જ પર ટ્રેડિંગ કરાયું સસ્પેન્ડ

ક્રિપ્ટોકરન્સીમાં જોવા મળેલા મોટા કડાકાને કારણે રોકાણકારોને જંગી નુકસાન બાદ હવે ભારતીય રોકાણકારોને વધુ એક મોટો ઝટકો લાગ્યો છે. જો ભારતીય રોકાણકારો પણ ક્રિપ્ટો એક્સચેન્જ વોલ્ડ મારફતે ટ્રેડિંગ કરતા હોય તો હવે તેઓ ટ્રેડિંગ નહીં કરી શકે. વાસ્તવમાં સિંગાપોર સ્થિત ક્રિપ્ટો એકસચેન્જ વોલ્ડે હવે તેના પ્લેટફોર્મ પર ટ્રેડિંગ સસ્પેન્ડ કરવા ઉપરાંત રોકાણકારો દ્વારા તેમના ખાતામાંથી જમા-ઉપાડ પર પણ પ્રતિબંધ મૂકવાનો નિર્ણય લીધો છે.

સિંગાપોર ખાતે ક્રિપ્ટો એક્સચેન્જનું મુખ્ય કાર્યાલય હોવા છતાં તેનો મોટા ભાગનો બિઝનેસ ભારતથી જ ઓપરેટ થતો હોવાથી હવે ટ્રેડિંગ સસ્પેન્ડ કરાતા મોટા પાયે ભારતીય રોકાણકારોના પૈસા ફસાયા છે. આ પાછળનું કારણ એ છે કે, તાજેતરમાં વૈશ્વિક સ્તરે માર્કેટમાં વોલેટિલિટી વચ્ચે ક્રિપ્ટો માર્કેટમાં પણ તોતિંગ કડાકો બોલી ગયો હતો જેને કારણે રોકાણકારોને મોટું નુકસાન સહન કરવાનો વારો આવ્યો હતો અને આ નુકસાનને રોકવા માટે રોકાણકારો પોતાનું રોકાણ પાછું ખેંચી રહ્યા હતા જેને કારણે હવે જમા-ઉપાડ પર પ્રતિબંધ મૂકાયો છે. આપને જણાવી દઇએ કે, જૂન બાદથી રોકાણકારોએ આ ક્રિપ્ટો એક્સચેન્જમાંથી 19.77 કરોડ ડોલરથી પણ વધુ નાણાં ઉપાડ્યા છે.

Advertisement

આ અંગે વાત કરતા કોઇનબેસ સપોર્ટેડ ભારતીય ક્રિપ્ટો એક્સચેન્જ અનુસાર, ક્રિપ્ટોકરન્સીમાં જંગી કડાકા અને ભારતમાં નિયમો વધુ સખત બનતા ટ્રેડિંગ વોલ્યૂમને પણ મોટા પાયે અસર થઇ છે. તેને કારણે ખાસ કરીને નાણાકીય સંકટ પેદા થયું છે. હવે આ નુકસાનને અંકુશમાં રાખવા માટે ક્રિપ્ટો એક્સચેન્જ પ્લેટફોર્મ પર અત્યારે ટ્રેડિંગ, વિથડ્રોઅલ, ડિપોઝિટ સહિતની પ્રોસેસ પર પ્રતિબંધ મૂકવામાં આવ્યો છે.

કર્મચારીઓની કરી હતી છટણી

Advertisement

આપને જણાવી દઇએ કે વોલ્યૂમને થયેલા નુકસાન અને ક્રિપ્ટોકરન્સીમાં કડાકા બાદ વોલ્ડે ગત મહિને પોતાના 30 ટકા કર્મચારીઓની છટણી કરી હતી. તે ઉપરાંત વરિષ્ઠ અધિકારીઓના પગારમાં પણ 50 ટકાનો કાપ મૂક્યો હતો.

Advertisement

संबंधित पोस्ट

ગોદરેજ ઇન્ડસ્ટ્રીઝના ચેરમેન આદિ ગોદરેજનું રાજીનામું હવે કોણ સંભાળશે કમાન

shantishramteam

અમેરિકા : ક્રિપ્ટો ઈન્સાઈડર ટ્રેડિંગ કેસમાં બે ભારતીય ભાઈઓ પર આરોપ

Shanti Shram

ચીનની આ કંપનીએ ભારતના કર્મચારીઓની કરી છટણી, આ છે તેનું કારણ

Shanti Shram

बढ़ा हुआ यूरिक एसिड दे सकता है कई बीमारियों को न्योता, घर बैठे ऐसे कर सकते हैं कंट्रोल

Admin

कान में भी पहुंच सकता है कोरोना वायरस, रिसर्च में हुआ चौंकाने वाला खुलासा

Admin

દિવાળીમાં રાજ્યમાં ફટાકડા ફુટશે કે નહીં? ગુજરાત સરકાર આજે લઈ શકે છે મહત્ત્વનો નિર્ણય

Shanti Shram