Shantishram
બ્રેકીંગ ન્યૂઝ
ગુજરાત રાષ્ટ્રીય

અરવલ્લી જિલ્લામાં 7039 શૌચાલયના કામ પૂર્ણ, સ્વરછ ભારત મિશન થકી લોકોને મળ્યા ઘરમાં શૌચાલય

સ્વચ્છ ભારત મિશન ભારત સરકાર દ્વારા સમગ્ર ભારતમાં લોકોનો સ્વચ્છતા પ્રત્યે અભિગમ કેળવવા માટે અમલમાં મુકવામાં આવેલો સામુદાયિક ભાગીદારી વાળો એક સ્વચ્છતા કાર્યક્રમ છે. આ યોજના તમામ ગ્રામીણ પરિવાર કુટુંબોને આવરી લે છે. આ અભિયાનનો પ્રારંભ તા. 2 ઓક્ટોબર, 2014 ના રોજ કરવામાં આવ્યો હતો. વિશ્વ બેંકના તાજેતરના અહેવાલમાં દર્શાવવામાં આવ્યું છે કે સ્વચ્છતાના અભાવના કારણે ભારત વાર્ષિક જીડીપીના 6.4% ગુમાવે છે. પ્રધાનમંત્રી નરેન્દ્ર મોદી દ્વારા શરૂ કરાયેલ સ્વચ્છ ભારત મિશન હેઠળ, ભારત સરકાર દ્વારા 2019 સુધીમાં ‘સંપૂર્ણ સ્વચ્છતા’ પ્રાપ્ત કરવાનું લક્ષ્ય રાખવામાં આવ્યું હતુ.ગ્રામીણ વિસ્તારોમાં સ્વચ્છતા અને સ્વાથ્યને બહોળા પ્રમાણમાં ઉત્તેજન મળે, ખુલ્લામાં શૌચક્રિયા બંધ થવાથી ગ્રામીણ લોકજીવનમાં સુધારો આવે તેવા પ્રયત્નો સરકાર દ્વારા કરવામાં આવ્યાં.આ યોજના હેઠળ અરવલ્લી જિલ્લામાં 7039 શૌચાલયના કામ પૂર્ણ થયા છે. આ યોજના અંતર્ગત જીલ્લામાં 409 સામૂહિક શૌચાલયના કામ પણ પૂર્ણ થયેલા છે.આ યોજનાથી શહેર , ગામડા અને જીલ્લામાં સ્વચ્છતાના દર પણ ઊંચા આવ્યા છે.મહિલાઓને શરમ અને ક્ષોભજનક સ્થિતિમાં મૂકવાથી પણ રાહત મળી છે.આ યોજનાના લાભાર્થી પરસોત્તમભાઈ બારીયા કે જેમના ઘરમાં 9 સભ્યો છે તેમણે સરકારનો આભાર માન્યો અને જણાવ્યું કે પીએમ મોદીએ ગરીબો અને મહિલાઓ માટે આ ઉત્તમ નિર્ણય લીધો છે. આ યોજનાના પરિણામે અમારા ઘરમાં બીમારી પણ ઘટી છે. અમે હવે સ્વમાનભેર સમાજમાં જીવી શકીએ છીએ.લાભાર્થી ભલાભાઈ બારીયા કે જેમના ઘરમાં 10 સભ્યો છે તેમણે પણ સરકાર અને જિલ્લા વહીવટી તંત્રનો ખુબ ખુબ આભાર માન્યો. અને જણાવ્યું કે પહેલા અમારા ઘરમાં મહેમાન આવતા વિચાર કરતા હતા. મહિલાઓએ શૌચક્રિયા માટે દૂર જવું પડતું હતું અને રાત પડવાની રાહ જોવી પડતી હતી. હવે ઘરમાં જ શૌચાલય હોવાથી આ તમામ સમસ્યાનો અંત આવી ગયો છે.

Advertisement

संबंधित पोस्ट

કલેકટરશ્રી આનંદ પટેલે અંબાજી મુકામે યાત્રાળુઓ માટેની વ્યવસ્થાનું નિરીક્ષણ કરી સફાઇ કર્મીઓને મીઠાઇનું વિતરણ કર્યુ

Shanti Shram

વડોદરા શહેરમાં આવતીકાલે રણમુકતેશ્વર રોડ ઉપરથી મંત્રી શ્રી રાજેન્દ્રભાઈ ત્રિવેદી દ્વારા 37 બસ મારફતે શ્રવણ તીર્થ યાત્રા બસો નો શુભારંભ કરવામાં આવશે

Shanti Shram

વિશ્વ તમાકુ નિષેધ દિવસે પાટણ જિલ્લા પંચાયતના કર્મચારી વ્યસન મુક્ત બન્યા

Shanti Shram

SVNIT  કોલેજ સુરત ખાતે બે દિવસીય ‘રોડ સેફટી’ વર્કશોપ યોજાયો

Shanti Shram

ધનસુરાના નવી શિણોલ ગામે શ્રી રામજી મંદિર ખાતે પ્રાણ પ્રતિષ્ઠા મહોત્સવ ઉજવાયો 

Shanti Shram

ધડાધડ ખૂલી રહેલા જીમને જોઈને AMC એ આપ્યો આદેશ, જીમ ખુલશે તો કાર્યવાહી થશે

Denish Chavda